أنعمه فيك الحوت أنعمه @ زاد أملي ما فيك الحوت/ أبو النجاة

أبو النجاة في إطلالة شعرية جديدة في مدح مدينة النعمة

نعرف عني رابي شبعان @ لوحي فيدي بين الجدعان @ أل فيهم مارت لعيان @ من خيرت لكبايل وأخوت
ما فين دسيسه يقان @ بيها فين تو أنيكوت
واكبرن فاخيام البظان @ فصل الحك الكيف اليقوت
فامناحرهم تسمع الاذان @ والتلاوه واعظ بالموت
والعتمه بينات الجران @ تكسم لمراسيل اجفوت
والجولن زاد أفلوطان @ شفن ياسر عنو مسكوت
من طبايع فات المنان @ واس بيها خلقو منعوت
وارض بيها هو لكان @ فاحبل واحد ذا الخلق إفوت
وان بعد ألان حشمان @ كايلها فالجهر أقنوت
ما نسمع كلمه يالنعمه @ فيك اعندي كيف اليقوت
أنعمه فيك الحوت أنعمه @ زاد أملي ما فيك الحوت

أبو النجاة

اترك تعليقاً

زر الذهاب إلى الأعلى